بۇل تۋرالى وبلىس اكىمى بولات باقاۋوۆتىڭ 16-شى اقپان كۇنى وتكەن تۇرعىندارمەن ەسەپتىك كەزدەسۋىندە ايتىلدى.
وڭىردە يندۋستريالدىق-يننوۆاتسيالىق دامۋ مەملەكەتتىك باعدارلاماسى اياسىندا جاڭا ءوندىرىس ورىندارىن ىسكە قوسۋ بويىنشا دا جۇمىستار جالعاسۋدا.
وتكەن جىلى جالپى كولەمى 190 ملرد تەڭگەنى قۇرايتىن 8 جوبا ىسكە قوسىلسا, 500 جۇمىس ورنى اشىلىپتى. بۇلاردىڭ قاتارىندا اقسۋداعى «دانيەر», ەكىباستۇزداعى «Alef trade» جانە «Evooil Kazakhstan», وبلىس ورتىلىعىنداعى «كيك پاۆلودار», «Giessenhause» كاسىپورىندارى بار. وبلىس اكىمى ب. باقاۋوۆ «مۇناي-حيميا زاۋىتىن» جاڭعىرتۋ جوباسى- موتور مايلارىن ك-4, ك-5 ەكولوگيالىق تالاپتار ستاندارتتارىنا ساي وندىرۋگە مۇمكىندىك بەرگەنىن اتاپ ءوتتى.
- وتكەن جىلى وڭىرگە 494 ملرد تەڭگە ينۆەستيتسيا تارتىلدى, - دەدى ءوڭىر باسشىسى. – وبلىستىڭ ينۆەستيتسيالىق الەۋەتىن ارتتىرۋ ءۇشىن «پاۆلودار» ەكونوميكالىق ايماعىن دامىتۋ بويىنشا جۇمىستار جۇرگىزىلۋدە. باستى ماقسات – اليۋميني كلاستەرىن دامىتۋ. سونىمەن بىرگە وڭىردە جاڭا ينۆەستورلاردى تارتۋ, وبلىستىڭ ينۆەستيتسيالىق ءيميدجىن جەتىلدىرۋ, ء«بىر تەرەزە» ءپرينتسيپى بويىنشا قولدانىستاعى ينۆەستورلاردى قولداۋ ماقساتىندا ينۆەستيتسيالار تارتۋ اگەنتتىگى قۇرىلدى. مىسالى, وبلىستىق ينۆەستورلار كەڭەسى, وڭىرلىك عىلىمي-تەحنولوگيالىق ورتالىق, ەكسپو-2017 اۋماعىندا «INVEST IN PAVLODAR» وبلىستىڭ ينۆەستيتسيالىق كوركەمدىك كورمە ورتالىعى جۇمىس ىستەدى. ناتيجەسىندە 182 كومپانيانىڭ وكىلدەرىمەن كەلىسسوزدەر جۇرگىزىلدى.
فاريدا بىقاي,
«ەگەمەن قازاقستان»
پاۆلودار